Kronosc DUu vlp m6kZze Ii E7s T67SL ag
Kronos (griach. Κρόνος) is in da griachischn Mythologie da jingste Bua vo da Gaia (Eadn) und vom Uranos (Himme) und da Voda vom Zeus. Ea is da Ofiara vo de Titana und hod vom Uranos de Wejdheaschoft ibanomma. Sei Pendant in da remischn Mythologie is da Saturn(us).
De Heakumpft vom Nama is umstrittn. Dea Healeitung vo de Orphika vom Zeitgod Chronos (Χρόνος) is oba foisch. Woarscheinle kimpt da Nama aus da vorgriachischn Zeit. Uaspringle worns woi zwoa Gedda, wo mitanana vaschmoizn worn san.
Inhoitsvazeichnis
- 1 Mythos
- 2 Stammbaam vo de Titana
- 3 Schau aa
- 4 Literatua
- 5 Im Netz
Mythos[VE | Weakln]
Da Kronos wor da Sohn vom Uranos und vo da Gaia. Da Uranos hod seine Kinda oba ned megn und hod se in an Tartaros vabannt. Deswegn hod de Gaia de weidan Kinda, de Titana, vor eam vasteckt. Nacha hods in Kronos ogstift sein Vodan mit ana Siche z entmona. Da Kronos is so da Heascha vo da Wejd worn und domit hods Goidne Zeitoida ogfanga. Nacha hod da Kronos sei Schwesta Rhea (Rheia) zua Frau gnomma. Aus Angst, dass a vo seine Kinda obgsetzt wead, hod a oi gfressn: de Hestia, de Demeter, de Hera, in Hades und in Poseidon, de Kroniden. Nua sein jingstn Buam, Zeus, hod de Rhea af Rotschlog vo da Gaia und vom Uranos in da Hejn vom Psychro af Kreta brocht und do vasteckt. Da Kronos hod zua Taischung vo ia an eingwickltn Stoa griagt und vaschlunga. So is da Zeus afgwoxa und hod spoda sein Voadan mit List und Gwoit ibawundn. Draf hod da Kronos zeascht in vaschlunganan Stoa und nacha seine Kinda wieda ausgspiebm. Da Zeus is so zan Wejdheascha worn. Dea Stoa is vo eam in de Kuitsteddn Pytho (Delphi) brocht worn.
Stammbaam vo de Titana[VE | Weakln]
| Chaos | ------> | Gaia | ------> | Uranos | |||||||||||||||||||||||||||||||||||||||||||||||
| Geddagschlecht | vo de Titana | ||||||||||||||||||||||||||||||||||||||||||||||||||
| Okeanos | Kreios | Hyperion | Theia | Themis | Phoibe | ||||||||||||||||||||||||||||||||||||||||||||||
| Kronos | Koios | Iapetos | Rhea | Mnemosyne | Tethys | ||||||||||||||||||||||||||||||||||||||||||||||
| Rhea | Kronos | ||||||||||||||||||||||||||||||||||||||||||||||||||||||||||||
| Hestia | Hades | Poseidon | Demeter | Zeus | Hera | ||||||||||||||||||||||||||||||||||||||||||||||||||||||||
| Athena | Apollon | Artemis | Hermes | Dionysos | Hephaistos | Ares | Aphrodite | ||||||||||||||||||||||||||||||||||||||||||||||||||||||
Schau aa[VE | Weakln]
- Wejdzeitoita
- Da Woif und de siebm Geissal, Perchta, Perchten, Krampus (da Kronos-Zeus-Mythos im germanisch-slawischen Raum)
- Krishna (da Kronos-Zeus-Mythos im indischen Raum)
Literatua[VE | Weakln]
- Eleutheria D. Serbeti: Kronos, in: Lexicon Iconographicum Mythologiae Classicae (LIMC). Artemis, Zürich 1992, Bd. VI/1 S. 142-147 (Textteil) und Bd. VI/2 S. 64-67 (Abbildungsteil). ISBN 3-7608-8751-1
- Michael Grant und John Hazel: Lexikon der antiken Mythen und Gestalten. dtv, Minga 2004. ISBN 3-423-32508-9
- Karl Kerényi: Die Mythologie der Griechen – Die Götter- und Menschheitsgeschichten. dtv, Minga 1994. ISBN 3-423-30030-2
- Robert von Ranke-Graves: Griechische Mythologie – Quellen und Deutung. rororo, Hamburg 2001. ISBN 3-499-55404-6
Im Netz[VE | Weakln]
Commons: Kronos – Oibum mit Buidl, Videos und Audiodateien- Mythologica – Kronos (Seite nicht mehr abrufbar; Suche in Webarchiven)
- Antike Mythologie: Kronos