آل طاہرk Lt U HWzuhZzxh Ip Q9AaGg Bb 67 DqMm PKiSs4l
آل طاہر (فارسی: سلسلہ طاہریان) 821ء توں 873ء تک اتے چڑھدے ایرانی علاقے خراسان تے حکومت کرن آلا اک ٹبر سی ، جس دی حکومت چ موجودہ ایران ، افغانستان ، تاجکستان ، ترکمانستان تے ازبکستان دے علاقے شامل سن ۔ طاہری حکومت دا راجگھر نیشاپور سی ۔
اوداں تے ایہہ ٹبر خلافت عباسیہ نوں تسلیم کردا سی پر حقیقت چ طاہری آزاد سن ۔ اس حکومت دا بانی طاہر ابن حسین سی ، جسنوں عباسی خلیفہ مامون الرشید نے خراسان دا مستقل والی مقرر کیتا سی ۔ متوکل باللہ دے مرن مگروں اس حکومت نے خودمحتاری حاصل کر لئی ۔
طاہری ٹبر دے حکمراناں چوں طاہر دے پتر عبداللہ نے اپنی سخاوت ، تدبر تے دانش مندی تے رعایا پروری دی وجہ توں بوہت شہرت حاصل کیتی ۔ عبداللہ بن طاہر اپنے کارنامےآں دے لحاظ نال برامکہ توں کسے طرح وای گھٹ نئیں سی ۔
طاہری حکومت نوں خلافت عباسیہ توں آزاد ہون آلی پہلی ریاست سمجھئیا جاندا اے ۔ 873ء چ صفاریاں نےاس حکومت دا خاتمہ کر دتا ۔
آل طاہر دے حکمران[لکھو]
طاہریاں چ تھلڑے حکمران لنگھے نیں ۔
- طاہر بن حسین 821ء توں 822ء ۔
- طلحہ 822ء توں 828ء ۔
- عبداللہ بن طاہر 828ء توں 845ء ۔
- طاہر ثانی 845ء توں 862ء ۔
- محمد خراسانی 862ء توں 873ء ۔
حوالے[لکھو]
- 1 تاریخ الدول الاسلامیہ المستقلہ از عبدالحمید حمودہ طبع قاہرہ صفحہ 30-40
ہور ویکھو[لکھو]
- برامکہ
- خلافت عباسیہ
- بنی بویہ