Vielener Bösjd E oeq89234c Dis de eGgZz AD
Dit artikel is gesjreve (of begós) in 't Vielender. Laes hie wie v'r mit de versjillende saorte Limburgs ómgaon.
D'r Vielenderbusj is ing busj va 650ha groeët kótbeej 't dörp Viele in de Limbörgse gemingde Vols. D'r Busj besjteit egelik oet klenger busjer, woe va inkel deler i de nobburige Belsje gemingde Blieberig liegke. Alle deler zint i behaer va Sjtaotsbusjbehaer. 't Hánjelt óm ing lánggerekt busjgebeed die lupt tót de dreilanjerpunt beej Vols. Do sjloet d'r Vielenerbusj an op 't Belsj-Pruusje Preußwald en 't Pruusje Aachener Wald. In d'r busj zin d'r groeëte huegdeversjèlle die 't klimaot beinvluuje; d'r váltj haer miè raege en sjnei biejveurbeeld. Doadur liek d'r busj klimaotelogisj geziè al op de zujelike gelaege Ardenne en de zier kótbeej gelaege Eefel in 't Pruusj. De huegdeversjèlle veriëre va 150 meter boave ziejnivo beej 't reveerke de Geul tót 322 meter N.A.P. beej 't Dreilanjerpunt va Vols op de Volserberg.
I 2014 was d'r busj i 't jernaal bekind óm de wil katte die d'r laeve. Óch zint d'r geologisje en historisje monementj te vinje. De geologisje monementj, óch waal de sjtèrresjteine. Vrugger wird gedách dat 't meteoriete waore, meh 't zin rowe blokke vuursjtèè mit zándj, grindj en kalkhówwend gesjteinte die óntsjtao is in 't plioceentsiedpèrk (óngevaer 5.3 tót 2.5 meljoen jaor gelieje). [1]
Brónne[bewirk | brón bewèrke]
- ↑ https://nl.wikipedia.org/wiki/Vijlenerbos